Madaxweynaha Dowlad goboleedka galmudug Axmed Cabdi Kaariye( Qoor Qoor) ayaa sheegay in Maamulka Galmudug uusan aqbali doonin colaad iyo khalalaaso ka dhaca degaannada Galmudug.

Waxaa uu sheegay in dadka Reer Galmudug lagu xanto inay degaannadooda ka jiraan Colaad, balse u sheegay in Madaxda Galmudug ay diyaar u yihiin inay ka hortagaan waxkasta oo keeni kara Colaad.

Madaxweyne qoor Qoor oo hadal ka jeedinayay Munaasabad Jaamac lagu furayay oo ka dhacday guriceel ayaa sheegay in Galmudug ay ka hortegi doonto waxkasta oo dib u dhigi kara horumarada Galmudug sida weerarada ay geystaan Ururka Al-Shabaab.

Hadalka Madaxweynaha Galmudug Axmed Cabdi Kaariye( Qoor Qoor) ayaa waxaa uu kusoo aadayaa xilli maalmihii la soo dhaafay Xubno ka tirsan Al-Shabaab ay dhaq dhaqaaqyo Ciidan ka wadeen degaano ku yaalla duleedka Caasimadda Galmudug ee magaalada Dhuusamareeb.